蘋果先生病倒了

星期日......

晚上八點半......

我與周公子,仲有我的朋友,

正在講緊蘋果鍾的壞話......

突然!!!.........

在商場的一個轉角位......

我們三人的目光正注視在這個角落......

......

......

一個身影忽然在此處出現.

大家都不敢鬆懈!

等候幾秒!......再過幾秒......

出現了!!!

他是!......他是!......

蘋果鍾!!!

他帶著沉重的身軀和剛從廣華醫院急症室睇完病帶回來的藥丸駕臨皆旺(但唔知點解裡面又有一包喉糖?)

一抵步的第一件事,並不是向人問好,而是......

"蘇先生(我朋友),可唔可以借條洗手間鎖匙用一用啊?"

此後的一個多小時裡,他一共屙咗四次屎

更恐怖的是,他去完洗手間之後,又愛對我毛手毛腳!!!都唔知有冇洗手!!!

屙屎與屙屎之間的間隙,:周公子半嬉笑半怒罵的問他:"您去咗睇醫生(精神科)未!!您排咗期未!!"

蘋果鍾答道:"未"

周公子罵曰:"您仲未去!!您依家一排,最少排18個月,您又dum咗咁耐!!您又想快d睇!!咁您咁唔聽日拿拿淋去排期,然之後上去天台(所指的就可以,是專科門診大樓的天台)坐幾個鐘,咁您就可以早d睇,仲可以包食三餐,有幾日安樂茶飯您食tim"

蘋果先生竟然這樣回答:"得得得!!!我應承您,不過您要先答我一些阿強哥(指的是我)答到咀都損口都爛的問題,點解......(下略,因為他的問題,已問過過千篇,有關他發問的問題,可參考我上一篇"蘇東坡與現代中國"blog)"

天啊!!!世上竟然有人會用自己的病作為籌碼!!更方謬的是交換物品只不過是一條問題而已!!熟重熟輕,此時的我,真的有點分不清!!!

他一路發問,一路叫肚痛,一路問我朋友借洗手間鎖匙,直至......十點

夠鐘收工......

離開的時候,我們都勸他,再去廣華醫院一趟,怕他肚痛痛死發臭冇人理,

但他......

心領便算了......

不知道......

他尚在人間嗎??

當年今日之"當老人巧遇muscle後集"

話說上一回講到門診醫生要小弟將醫生紙交俾廣華醫院專科門診大樓(登打士街)預約專科新症,

佢地9點開檔,我就8點半左右到果日我老虎蟹都要家父同我一齊去,因為可以慳番唔少搭車錢嘛!!

counter準時9點開,d人好似有得分咁,"博"晒老命飛咁快去排隊,我連個阿婆都爭唔嬴......排最尾

我前面個阿婆,要排一年4個月(即係等到07年1月),阿婆嫌耐,問有冇第二個期,

counter姐姐答道:"有,07年年尾,要唔要啊?"

阿婆問有冇得快d,答案都唔使我講啦......

到我喇!終於到我喇!

我應診日期是2005年8月23日

即係三個星期之後

冇錯!!係2005年8月23日!!

點解我咁好記性?因為我仲keep住d覆診"快餐飛"(收據)

通告:"當年今日"系列,並非連續文章,而是因同月同日曾發生在葉某身上的事作一一憶述,故應作單元看,不便之處,請各位多多包涵!!!!

當年今日之"當老人巧遇muscle"

2005年7 月差唔多Lee個時候,我老母又大發雷霆,但唔係為咗我家中的雜物,而係我隻左手.

她見我隻左手肘的muscle在近一年來愈來愈大,係有d不尋常(但我又覺得力氣又異常的大),所以佢又發晒睥

四威迫我一定要睇醫生,唔係就"@#^%$#@",

咁......我只好就範......

擇咗個良辰吉日,去大角咀李寶樁健康院輪街證,由7pm,一直等到9pm......

終於到我!!!當日我老母驚我敷衍了事,所以專程陪我"壯膽".

入到去,家慈向醫生連珠炮發,慶幸醫生武功了得,接得住,

我俾醫生毛手毛腳一番之後,問我"隻左手幾時開始咁大架?"我問他大約lee兩年左右

(差唔多啦!我係覺得lee兩年我左手放在桌上時,好似有d野墊起和穿長袖衫有d困難)

他頓時神色一變,對我說:"你(我)的左手似乎有一個腫瘤,可能長在肌肉內,我現在幫您轉介去醫院外科"

他再查一查電腦,又說"就廣華醫院啦!果度比較快!"

之後,他發了一封轉介信,然後再用紅筆在紙上鬼畫符一番,釘好遞給我,要我明天早去廣華醫院排期

回家後,我"屎忽痕",拆開封信睇睇,內容我都唔太記得,最記得就係佢用紅筆寫住

"Urgent"

蘇東坡與現代中國

各位不要誤會,此蘇東坡不同彼蘇東坡!並非宋代文人東坡居士蘇軾,而係......

"蘇維埃社會主義下的東歐共產主義集團"

點解會有咁0既名詞?就係因為......

今日蘋  果  鐘又駕幸皆旺囉!!!......

一見面,佢又問一d有的關"國際關係"問題,

"點解89年  德  東  (即係東德)和  蘇  東  坡  倒台,但中共又冇隨之倒下呢?"

"點解  德  東  共  產  政  權在1989倒台,中  國又冇這類事情發生?"

"點解60年代波蘭和捷克有大型反蘇運動,但中 國又冇呢?"

又問咗一系列都唔知點解有"LA""LUNG"的問題,但我又唔知點解今日又咁好精神一一解答,

明知佢一個問題閒閒地都問一百次以上架啦(冇錯!!真係一百次!!有多冇少!!)!!!所以都係自作孽......答晒佢D問題,答到又喉嚨痛......

等埋我朋友收舖後一齊離開,蘋果鍾主動要求一齊去食D野,咁......咪去囉......

去到"冰室"(間餐廳叫XX冰室)又問一樣0既問題......SHI.....................T

佢今日原來又冇食過早午晚餐,冇錯!!!佢三餐都冇食!!!仆街喇!!!這代表我今晚都冇啖好食!!!

不幸估中,佢"拿拿淋"食完佢果份"公司三文治"之後,佢即刻問我"可唔可以食您舊肉啊?"(唔係我身上塊肥肉,而係我三文治上的肉),但他手口同步,根本問都多餘,食咗......

我又唔係gay佬,攪到好似"斷袖分桃"咁,好嘔心啊!!

咁只好請佢食多一客公司三文治囉......

不幸中之大幸,我朋友分擔這客公司三文治的部份費用,

食完,就各有各散

蘋果先生的問題真係鑊鑊新鮮鑊鑊金!使人有不知所惜之感!

未知睇緊Lee篇網址的

您,對上述蘋果先生所問的問題,有咩高見呢?

特別通告,有鑑於蘋果先生偉論甚眾,所以本BLOG自此特開"蘋果先生偉論集"以呃post,請各位多多支持!!!

書展記

又係一年一度的書展,我又有去......

收穫甚差!!因為赤貧兒童的我口袋裡只有一百八十蚊就膽粗粗入場

慶幸的是,買到預定想買的兩本書,就是:

《頂級攝影器材》

售價:$128

這本書主要介紹:牛排(Alpa)、Leica、Yashica/Contax、蝦鬚(Hasselblad)、Mamiya、Rollei等等Lee d只可遠觀又貴夾唔飽比較現代0既相機,不過......Lee本書都可以作為參考書之用

《緊急救護999》

作者: 白衣遊俠
售價: HK$54

因為Blog友""小姑娘""極力推薦,所以小弟唔敢唔買

內容如何?去佢個blog睇吓咪知囉!!!

http://hk.myblog.yahoo.com/mypatient-mynurse/article?mid=7586&prev=7624&next=7525

但不幸的是,有幾套書冇$$買,只好

書名好似叫:

《香江冷月.日治時期的香港......》(香港大學出版的)

《宋代路分地方官X考》

《嘉慶皇帝起居注》（極貴）

註：上列"x","..."謹代表小弟忘記書名個中的字,並不代表粗口!!!

迷人的背影

<<背影>>

......我最不能忘記的是他的背影......那年夏天, ... 這時我看見他肥而壯的背影,我笑得淚很快地流下來了。 我趕緊拭幹了淚,怕他. 看見,也怕別人看見。......

家父迷人的項背！！！！！！！！！！！！！

ｓｅｘｙ嘛????

來自無聊的煩

今晚,原本相約與幾位友人一起食晚餐,但......

來了一個不束之客......他就是......

蜚聲皆旺,無人不識,無人不曉的....

大號"蘋........................................................果..................................................................鍾"

他的個人之處,大約歸納以下幾點:

1.喃喃自語+手舞足蹈

2.精神亢奮得不由自主

3.有你講,冇我講

4.日日問"點解",以答案問答案

5.問題十年如一日(好似問"Iraq navy",就一問,問咗五年)

6.成街都係壞人(佢自己話)

7.愛不問自取(只限於食得果d)

8.話自己有精神病(的確係有dd....過度活躍,但醫生都寫咗專科門診轉介信,都只係講有d亢奮,但無需服藥)

9.愛毛手毛腳(摸人,由其是有毛髮的地方,例如手,頭)

總合上述幾點,再加上慢慢長夜(dinner),點會有好日子呢!!!!

我們一行4人,我和我朋友叫咗set dinner,當個蒜蓉法包上檯時,蘋果先生好親切的問我:"可唔可以要一個啊?",我當然答"唔得"啦!!!但,他二話不說的"吉"咗去......大佬!!!您既然有心攞,做乜問我呢....仲要,個包都唔係我,係攞錯咗我朋友果件,我朋友只好說:"唔緊要......食啦......"

dinner間,佢都係問果幾條老問題.大佬,悶死喇!!!!

我朋友只好話get唔到,我唯有又打官腔囉......仲要係中共和特區政府日日講果d......

好痛苦的食完dinner後,各有各散,但我們不約而同地"唉......"一聲......

唉.....................................................................