搵肥強

琴日因為太過頭痛,所以早咗d睡眠

但今日,

俾一個電話嘈醒......

我一提起聽筒,對方(條8婆)不二話說:"搵肥強"

我咪問:"搵邊位"

條8婆再說:"搵肥強"

我咪再問:"搵邊位"

條8婆不耐煩再說:"咪搵肥強囉!!!"

我更不耐煩地又要有禮貌的再問:'您係邊位搵邊位啊!!'

條8婆都係講果句:"咪搵肥強囉!!!"

咁......

我只好問:"lee度好多個肥強,您搵邊個啊?"

之後......

條8婆一言不發收我線......

正仆街!!!

一d禮貌都冇!!簡直係"有爺生冇乸教"

打電話搵人,連人地個"姓名"都唔講!鬼知佢搵邊個咩!

人地都開到口問,佢又唔答!

好......我當佢唔知,咁都應該自己報上名來啦!

點知仲收埋線!

刁!

香港人嘛......

禮貌就係差成咁??!!

咁邊度仲有資格話大陸人lee樣果樣啊!

佢地講0既時候,唔會覺得面紅咩!!

正乞兒!!

刁那......

話說上一回講到專科門診排期係2005年8月23日,

轉眼間,這個大日子已經到了!!!

當日我又倒塔咁早,10點幾到達廣華醫院的徐展堂(專科)門診大樓,因為之前已經係預約lee一日的上午1130;

一到大樓樓下,家父(冇錯!!今次佢又有份出場,原因又係果個,扼佢d車費!

)先問門口個"食蕉叔叔"(大家唔好誤會,此人並非得閒無聊到在醫院門口拿起隻蕉慢慢享受,佢只係一個正正在常的"保安")三樓外科點樣上去.

"食蕉叔叔"便"指我去"他身後的一個"陰暗角落",在防煙門後面,有一部升降機.

...一樓

...二樓

...三樓

上到去,

就見到成村人,在他們身旁有一塊牌寫著"請往此處輪米",我看到後,當然很自然地去輪啦!!

佢地分批放人,

早十五分鐘才開始登記.

輪到我喇!]我的輪候診症的編號係外科一組的"藍區,286號"

唔好再問我點解咁好記性!!!我都話我仲keep住果d"快餐飛"啊!!

我初來步到,咁大個仔都係第一次"幫襯"醫院(唔計我從我老母肚裡扒出來果次同肚痛去急診室果時),倒像一個大鄉里出城,

東摸摸,西碰碰.

倒是什麼都是新鮮新奇的玩意!

我磅重都磅咗三次!!

我等等等

又等等等

再等等等,

等咗好似好鬼耐......(大概係一個鐘啦!但比起QEH這間人稱"戰地醫院"(我個人覺得更似難民醫院),等一個鐘,嘿!濕濕碎啦)

哈哈!到我喇!

阿姐(我都唔知係阿姐定姑娘,是但啦,都係一句之嘛......)叫我,話下一個到我喇!

我一推開門,

第一眼見到,

就是......

剛才叫我名的阿姐,

和在她後面,"正襟危坐"著的醫生,他胸前的名牌寫著他的姓名,

他的姓名是......

熊達醫生

各位,話咁快,當年今日時間又夠喇,

如果想知熊醫生究竟點樣"禁室凌辱"我,

請密切留意當年今日之"禁室凌辱"下集啦!!

請啊!!

大禍臨頭

今日我收到學校寄的信,通知我何年何月何日回校註冊,

唉......我讀這學校都三年了,除了欠學校一屁學費之外,還欠一份論文.

想當初三年前被大法師"引誘"來這裡,那時候根本沒有想到自己是否力有不棣,就"膽粗粗"的步入這個校園.

三年過去,

原稿紙依然是雪白的,

放在桌上有數之不盡的書正等著要我消化,

我腦海中只有草草的研究大綱.

使我不敢向我心目中的指導教授提出要求.

我怕......

我怕失敗

我怕

我怕他對我抱失望;

在我的內心深處,

忽然想起我以前的死鬼恩師,

想起我在"能記"的歲月

想起我第一晚我第一堂和

他的身影,

他的嗓子

他的咳嗽聲......

現在我想

不知我是應該

一鼓作氣?

或是

休學一年,以更多空間換取研究時間?

平時大言不慚又輕狂的我,

現在

真的要冷靜下來細心想想,

我的下一步了!!!

不過我可以肯定

我絕不會放棄!!

我一定會成功!!

只是時候和努力的問題

我自己也看著瞧吧!!!!

籍口

唔知點解,一個人可以有好多籍口,

任何人在任何情況用任何身份於任何地方,

都會有籍口去"兜"一d野,

就連自命"痴線"的蘋果鍾......

也不例外,

以下係我同佢係剛剛星期六的一段對話:

我:蘋果鍾,去咗排期(精神科)未?

蘋果鍾:未!

我:仲未??小心周公子唔放過您播!!

蘋果鍾:我唔知醒嘛

我:人地開朝9晚5播!!!仲未醒?

蘋果鍾:我夜晚瞓唔著嘛......

我:咪校鬧鐘囉!!

蘋果鍾:我有錢時唔知醒,依家知醒,又冇晒錢lu!!!

我:您果度咁近,行都行到去啦!!

蘋果鍾:您知啦!!我有精神病-_-......

此時此刻,我心內,除咗"刁那星"之外,就沒有其他對佢的評語了......係佢話要去睇精神科,現在佢又懶懶行!周公子同佢只係君子之交,俾埋錢佢去,都係咁!!!!所以,小弟在此因上句"三字經"而致歉!請諸位讀者大師體諒我被蘋果先生"新穎的籍口"嚇到魂不附體而"大聲講粗口"

hehe......我都講咗一個"籍口"tim