燒雞翼,我自細鐘意食......
如果有人燒埋畀我,我就更加鐘意食!!
十一月的第一日,
我滿懷興奮又緊張的心情步出家門前往目的地......
"燒烤場"!!
既興奮又緊張的原因,
當然因為又有得去"燒炭"啦!!!
而且又可以"自家燒"乜Q乜叉......總之有餐食咁啦!!
當然,一定要有每逢"燒炭會"不可少,壓軸重頭......"燒雞翼"啦!!簡直頂癮!!
不過除此之外,
有更深一層嘅原因,
就係可以與久別咗十九幾年嘅小學同學再重聚!!
冇錯!!!
真係十幾年喇!!!
真係不經不覺!!.......................
偶爾老夫會拿起用來"攝"檯腳嘅"小學畢業相",
都不禁嘆息......
嘆息點解張相可以"責"極都唔爛!!
看看相中人......
更嘆息......
嘆息歲月流走......
不動聲色的,
將往日兩行鼻涕流到落腳趾尾嘅小伙子,
變成現在,昂床七尺嘅美男兒!!
老人家就係特別愛懷舊......
想起當年在"校車"內"wewa鬼叫",
再想起在學校門前碰見"總校長"時,如何"扮乖"的九十度躹躬...
也想起那除了自身的"人皮"外,全身都是以皮革裹身嘅"黎主任",
手中"那熱情的"間尺"如何恨恨地吻我的掌心!!......
當日個個擁有用不完的精力,終日蹦蹦跳的,玩得天地昏暗日月無光!!
老母發惡也不回頭!!
懶理檯上家課,更遑論人生大計??!!
孩時總覺得一天不是廿四小時,
總以為太陽是不會下山的......
但現在又覺得太陽像欠了高利貸似的,跑得快過劉翔......
真的不經不覺的......
時間偷走了我們的青春(雖然我仍然好青春...
)
)
從前那"天真無邪的小惡魔",
今天已經變成一把年紀的"老不死"了!!
有人事業有成,
有人三年抱兩,
有人貢獻社會...
各司其識,各有本份,
隻影形單又功業未成的老夫,此時此刻心裡始終也難免或多或少的
有半份孤單加上幾兩唏噓......
回想起,
從前他們面上的那份稚氣,
現在只能在他們兒女身上找到他媽的"遺風"了......
算是"風水輪流轉"吧......
有點"有咁耐風流,有咁耐折墮"的感覺從老夫的咀角滲透出來
整晚都在"匯心微(奸)笑"和想當年......
從想當年由早到晚可以無無聊聊的講那狗屁無聊事,
到現在一開口就是人生目標未來大計云云......
教訓了老夫一整晚......
學校雖然已經變成"空中樓閣",不復再現眼前.
永遠也不可能重現眼前,
但那課室內的檯櫈,
那放在操場旁"爛茸茸",爛得連五音也幾近不齊全的鋼琴,
那吵耳的下課鐘聲,
那小食部賣得平通全港九的小食,
那"間尺"
,
,
那裡的人和事......
也只有成為腦海中的回憶......
在這天,
終於可以再重聚了!!
樣貌變了,
話題變了,
身份變了,
但友情始終不變!!
但願那份童年感覺永存心中,
也但願日後有更多機會食多d燒雞翼......
