千呼萬喚始出來 猶抱琵琶半遮面
(若果我再唔寫,我遲早被您地一班blog友五馬分屍.,到時就真係醫番都嘥葯費喇.....
)
所以,
當年今日之"禁室凌辱"下集,又開始喇！
上一回講到，我一打開診療室的門，見到熊醫生在他的案上．
他此時正在閱讀我那張用紅色筆雞乸咁大隻字寫住"
Ｕrgent"的醫生信.
唔知點解,我頓時覺得這間房好似陰風陣陣,風聲鶴唳,草木皆兵,四面楚歌......
總之老是渾身唔自在,好似唔知會有d咩野究情將會發生似的,
我背部的冷汗有如春雨般冒出,室內氣溫好像驟降至冰點......
那時候,
大國手,熊 大醫生終於打破沉默,開了金口,但問的,都是根我在睇門診時與那位醫生的問題同出一轍,
先是看看我的左手,他看見我左手裡的那塊腫瘤,好像小朋友在動物園看到"安南長毛三眼人"和"婆羅奶青面獠牙變性高佬泉"般,反應異常奇特,我感覺佢好似做咗幾廿年人都未見過咁(我又唔係Kinxxx出奇蛋
),冇奶油掛......佢都唔係第一日做外科醫生,更加唔係第一日出來行醫啦,冇奶油未見過手生瘤掛......(雖然的確真係大咗dd......
)
參觀完我隻左手之後,就開始新一輪"摸摸渣渣"喇!!(我都唔想講得咁核突,但只有這四個字才能貼切形容)
大醫生用他那冰冷的右手,在我熾熱的左手上蠕動,撫摸,使我混身不自在.我那時的感受就好似自己變成砵蘭街的企街,仲要唔係"陀地",係"N姑",最cheap果隻,正在任人魚肉,甚不好受!
之後又摸吓睇吓我隻右手,作比較
他摸完之後,只輕輕的講咗一句:"您的左手係比較腫大和比較熱"
(這個都未算難堪,好戲陸續有來,我先賣個關子.)
之後,就開始一輪x學(非)常識問答比賽,
但問的問題都是與我在門診時的問題差不多,他問:
您幾時開始發現您的左手變成這麼大啊?左手有冇痛啊?左手有冇曾經受傷啊?
唉......lee d問題,我真係日日答,悶到嘔!
但......唔答唔答都要答,都只好服從啦!
咁我咪答佢:大約兩年前開始發現左手變得如此大的;冇痛;冇受過傷......
此時候,突然傳來拷門聲,
姑娘一開門,就有......
一共五條粉腸"操"咗入來,(記憶中好似係2女3男,個個都係幪面超人)
原來佢地都係醫科學生,
此時我心想,雖然您地廣華醫院係贈醫施藥,惠潭社群(hehe,因為我睇專科門診都係唔使$$),診療室門外也張貼了一張通告,說明什麼什麼我們是什麼什麼教學醫院,!&^%$#@,總之內容大意為,診証中的病人有機會成為"醫學的教材",但通告也有寫明"病人有權拒絕"一句嘛......但......但......佢地有問過我咩??
lee d都唔緊要,因為戲玉終於到喇!
阿大國手,熊達大醫生一開金口,果吓就仆街喇!
原本果班醫科學生,好似"um春"咁,十吓十吓,聲都唔聲,排排坐食粉果咁,毫無反應,熊醫生與這班醫科學生四目交投,dead air都有好幾十秒,
熊達大醫生講咗一句,攪到我真係有點求生不得之感,
佢話:"您地都來睇吓!!唔好齋睇,都摸摸,觀察吓嘛!"
這一刻,我覺得自己唔再係"
砵蘭街的企街",
而係變成"慰安婦"
五個人輪流摸,但他們的"手勢"就冇熊醫生咁熟,佢地摸我隻左手就好似細路哥玩"渣落去會發出bb聲的毛公仔"般,或者好似當我係"麵粉團"咁"磋"來"磋"去,
摸完之後,只有其中三人曾經有發問,但問的,都只是廢話,都係問:
痛唔痛啊?痕唔痕啊(lee個算叫做有d新意喇...);
有個仲無聊,可能佢只係一時口快,講咗一句:真係好硬播!!
我......我吊......我吊那......
那時我心想,成班都係白痴的!點睇佢地都係身處醫院唔係動物園,佢地係醫科學生唔係"迪迪尼"入場遊客"嘛!!問d問題為何如此膚淺?他們讀屎片乎?
我覺得熊醫生都頂佢地唔順,都要"引導"佢地發問題和思考我的病情,可惜的是他們用英文討論,我英文又差,只勉強聽明白十分之一不足,其大意都係討論我左右手的大細和溫度分別,腫瘤的類別,生長在左手的邊個地方等等......
經過熊醫生的一番思索,佢將我個case屎,暫時定性為"疑似惡性腫瘤"個案處理,這時候我的心情有點"實",咩都諗唔到,只係諗都一樣野,就係將消息完全封鎖,直至事態明朗為止.
因為這個"疑似個案",熊醫生將抽屜裡果d五顏六色的form都拿出來,大筆一揮就填咗好幾份,叫我去照lee樣驗果樣,包括,MRI,CT scan,X ray,驗血,
仲有就係預約下一次覆診的時間,就係2005年10月25日
佢填form就過癮,但難為我要交form!!,又北翼一樓,又東翼唔知邊度,左走右走,仲要在中午午飯時候前就要攪好,好似醫院一日遊咁,但一d都唔好玩,仲隨團附送一身臭汗!!
我步出門口之後,聽見門內傳出一陣陣的傻笑,好像正在笑緊我咁!我覺得有d"趙完唱"的悽涼感覺
,此時我真係有d想入番去打佢地一身......
lee一集大概又到咗尾聲喇,
下一次我將會講吓阿熊達 大醫生一d"乸西"野,同埋與本集有d關係的一些軼事,呃吓post!
多謝各位支持,希望下次繼續見到您地的留言啦!
