唉......之前趕功課趕到我傻;功課趕完,我個頭又痛咗幾日......到依家先至有番d心機寫吓blog,講吓"舊屎"d事,我怕再唔講,會俾人"點相"......
記得上一回講到阿熊大國手填咗一大堆form要我去lee度交完又要去果度交,我先在這賣個關子,唔講他填form時出現的"不該犯的無聊錯誤";先講lee一次.
這次照磁力共振原本是安排在2006年1月廿幾號的,但隔咗幾日的某一個上午大約9點幾至10點幾左右,有一個"沒有來電顯示"的電話,我一接聽!原來係廣華醫院打來的,話磁力共振要提早去照!
這始終是兩年前的事了,而且我剛剛當年又冇記錄,又冇寫日記,所以確實的日期我已不太記得,大概係8月23日之後三個星期,9月25日之前是但一日的星期三or四......
果日約定3點3(下午茶時間!!!)到,仲話要我早15分鐘到wor......
其實我本來已經早咗成半粒鐘到廣華,但果個乜鬼野死人磁力共振中心都唔知係邊鬼度,我搵極都搵唔到!!我問埋果度d"食蕉",條"食蕉"又話:"急証室行過d"(妖!!行過d......有幾過啊......馬路行過會d俾車撞我就知......
),
),
但搵來搵去都搵唔到,都係唔識去!!最後我終於發現,原來位置就係急証室往窩打老道的後門側的一個陰暗神秘的小角落.......
頂,咁攪一攪,攪咗我成大半個鐘,到達的時候,已經係3點半了!明明早到變遲到
一入到去,第一件事,就係......等,
等......等......等......足足係counter企咗成個字有多,都係冇人理......
等咗好耐,終於見到有人喇!!!
果個人(好似都係一個姑娘姐姐......掛......)的樣子已經不太記得也不太清楚,因為裡面的人個個都係"幪面超人"呢!!!
之後,果個人拿出一件"半退色"的紫色袍出來叫我換咗佢,而且仲話:您個人咁大件,lee件啱架喇!!lee件係全場最大架喇!!但記住不準穿衫褲在內,只可以有underwear!!!
聽罷,於是乎我便往我身後的廁所/更衣室"寬衣",
我換過這件袍之後,我咁大個仔終於能第一次感受到d女性穿"迷你裙"有何滋味......
當我換過這件袍,發覺這件袍的長度只及我的大脾!!真係好鬼sexy!!而且真係短得可憐!!老夫的"玉腿"展現無遺!
而且真係短得可憐!!老夫的"玉腿"展現無遺!
佢地又話lee件係全場最大的!!都唔知有冇攪錯!!!
坐在走廊側長排座椅的時候,我真係好似d大姐仔咁,夾埋雙腳"端莊"地坐著,唯恐乍洩"袍"下春光.......
......
不過我其實都冇跟從果位"姑娘姐姐"的"勸籲",因為我在內裡穿多一條"黑色波褲""打底",所以係一定冇咩野睇頭的!!吹咩!!hehehe......
在我入去之前,有一位身穿白色短袖褲和淺藍色長褲的"姑娘"(應該冇記錯掛...
)盛著一大盆東西從房內走出來,為要幫我"吉黃豆",她先問我今次要照您地方在那裡,我以"沉重而無奈的心情",提起我的右手,指向我的左手就:"就是這裡"...
)盛著一大盆東西從房內走出來,為要幫我"吉黃豆",她先問我今次要照您地方在那裡,我以"沉重而無奈的心情",提起我的右手,指向我的左手就:"就是這裡"...
說罷,我見姑娘手忙腳亂的,好像有點不知所措,她本來想"吉"我的左手,但要照的,就是左手,又想轉"吉"右手,但佢又"叔"咗手,此時此刻,她心亂如麻,不知所措'最後,她選定正準備"吉"我的左手之際!!......
突然間,有一個身穿白袍的男人走出來,帶著輕柔的聲線問姑娘曰:
"佢照邊度?"
姑娘答道:"左手"
男人問曰"睇睇?"
之後,他輕輕的答一句:"照左手,仲吉左手?吉右手啦!"
說罷,那姑娘拍拍我的右手手背,當我的手背現起了青筋後,然後亮起了那銀光閃閃的針,她"手起針落",將針插進我的手背．那一刻,我驚恐萬分!那痛楚直達骨髓,穿透五臟!姑娘將針慢慢的挿入,像是給我再三回味那切骨般的痛楚似的......
此時,我發現針內藏玄機!!原來針內有針!
她將針插入後,然後再將"針芯"拔起,剩下一條似纖維質微有彈性,"硬膠膠"的針管留在我的左手上,再"塞"上一粒"膠塞",再貼上"痴"紙都唔夠力的"紙"膠紙;一條唔夠,兩條;兩條唔夠,三條;......如是者,我就滿手膠紙了!!
在這裡坐了一會兒,他們終於叫我進去,這房間裡的空間也很寬敞,我估計這裡大約有二百多尺左右,沒有多少的雜物;正中央的地方放置了一部長約八尺的類似床的東西,這上下圍繞有一圓圈的東西包裹了半張床形似一條隧道,而床板可分兩段開出,全開時,全開時,全長我估計應該可長達十二三尺左右.
話回正題,當我被叫名入內之後,要做的第一件事,竟然係...............................叫我上磅磅重!磅重本是平常事,但我覺得他們是有一點變態!!
磅重本是平常事,但我覺得他們是有一點變態!!
當我上磅的時候,可以話在此中心內的所有職員,都圍觀著我登上磅的那一刻,極之渴望知道我體重!!知道結果後,他們好像一群癲佬般"we wa"鬼叫;有一部份人就像來睇表演的和身邊的人"交頭接耳";有些人又好像前世未見過我這種"夠份量"的人物,一望見磅秤上的數目字,便嚇得目瞪口呆......
但最令我感到驚訝的是......這個磅秤誤差是+20磅......
各位,老夫原想只是小事一則,但發覺篇幅愈來愈長,所以,在此要作出"特別節目調動",將
當年今日之"時光隧道"
分拆為上,下兩集,
如有不便,尚祈見諒!!
