機場"圍"修區

2008/7/26的一個熱屎辣辣的一個下午......

我地三五成群,浩浩蕩蕩地"操"入去機場圍修區,

大家唔好以為老夫寫錯字啊!!!老夫用圍而唔用維,係因為特別表揚阿

圍裙小姐係lee一次旅途上的"無私而偉大的"貢獻!!有幾偉大??老夫三十張相之中占三分之一都有佢個"芳容",您話偉唔偉大喇...

所以呢......老夫要係lee篇Blog改去一個字來紀念吓佢先至得啊!!

擔傘影相......真係very inch...

Uncle 又係度影緊乜Q嘢呢??

噢!!!原來係.............................

就連花花miss時都要"烘"埋去影,所以被阿大雨lee隻衰公封為"最上鏡小姐"都算實至名歸喇!!...

夕照圍裙下......

斜暉影miss時

隨blog附送Uncle 七三面"形"照乙張

影我咁夠POK!!!

草堆中的Uncle

草堆中的花花miss時

PS:同行的,仲有丹丹 和edmond,但lee兩條友專蝦我lee個老人家,所以......冇得上鏡

是日屬馬,宜遠行 下集之"公園裡的蝦膏"

因為lee排老夫財赤嚴重,所以攪到lee個下集遲遲都未出到相,老夫係lee度表示深切嘅遺憾...為表示老夫感謝各位對老夫嘅關注,所以老夫決定將lee篇blog提前......一個鐘......post出,來答謝咁多位對老夫嘅......愛......

好喇......係未開始睇相之前,我地首先以熱烈嘅掌聲歡迎我地"下午茶女主腳",壓軸嘉賓花花Miss時 !!!!!!

您地睇吓!!!阿花花Miss時幾咁尊重lee次嘅攝團,幾咁尊重我地咁多個blog友吖!!......

佢一知道Uncle有嘢攪,即刻六百里加急追call book位,以9秒9嘅驚人速度飛去搭"火船仔"同我地會合!!!不過......佢來到嘅時候......已經係中午12點左右喇......都唔係遲好多遮......

花花Miss時真係趕住來架!!!下面有相為證!!!拿拿拿!!!您地睇吓花花Miss時趕到"fing"晒頭氣都咳，就連Uncle都不欲觀之矣啊陰公!!!!!

阿Miss時......唔使急......唔使趕......我地梗等埋您架播!!等您抖順條氣,我地先至去影相相啊吓......

躝路大家就見得多喇.....但係躝路蜘蛛大家又見過未呢??仲要一家大細冚家來齊......好似有得分咁......您都咪話唔壯觀啊......

.

蜻蜓點.........咩嘢呢??......

lee度就係今次嘅"重點"拍攝場地......蝦膏廠!!!!!

睇吓!!!幾大"pat"蝦膏!!!畀您"ling"番屋企,包您食完之後成晚發惡夢,成世怕咗佢啊!!

可謂"一劑斷尾"是也!!

有幾大??仲大過手推車啊陰公!!您話算唔算大喇!!......

佢地話唔好影佢地個樣wor......仲話要影就收5蚊wor......

老夫一於睬佢都傻!!

係時候表露吓"快閃黨黨魁"嘅身份喇......老夫唔係一秒......係神不知鬼不覺嘅情況下......影咗佢地......嘅背脊!!!!!

咁......我依家只係影咗佢地個背脊......係咪唔使收錢啊??......

我地揮淚決別lee個咁不近人情,不通人性嘅蝦膏廠之後,

出發到下一站嘅唔知乜鬼嘢村,lee條"唔知乜鬼嘢村"毗鄰一個風光明媚,四季如春,無敵海景嘅"唔知乜鬼嘢碼頭",

lee兩個"唔知乜鬼嘢村"&"唔知乜鬼嘢碼頭"真係"好好景"!!!老夫係lee度要

highly Recommend

果日真係熱屎人......就憑lee少少水???點可能幫老夫降溫啊??......

縱使果日天氣熱到仆街!!但絕冇可能溶化我地對攝影嘅鐘情,對Uncle嘅尊敬,對Miss時嘅擁戴呢!!!!!