2009花展 x 3

由於節目調動關係,原有節目將順延post出,敬請留意!!

今年嘅花展,撞啱個天氣日麗風不和,入到場簡直有點兒受罪,場內people mountain people sea,唔好話想搵個靚位影相難,就連搵個位企都有d問題...加上太陽伯伯咁啱又出奇地"精神充沛",佢一來就整味菜叫做"生煎老人",攪到老夫來個半屎不活,冇晒mood影相......

但正所謂福無重至,禍不單行,都唔知是福是禍,今年特別多朋友約老夫/老夫約出來影相相,老夫亦來者不拒,所以一連去咗三次花展,分別係星期六,日及四.

不過影到嘅相亦有史以來最少!!唔計幫人地影嘅,加埋都唔夠三十六張,咁即係平均每次影得十張多d,又即係除開每張相面值個幾入場費......真係貴......

第一日應矮姚明一吋嘅annie之約,仲約埋闊別咗我地十九幾年嘅圍裙一齊出來玩,可謂盡興而歸!!實情飛起大雨,來個"沒有大雨的三人行"!!

果日真係好鬼忙,同佢地影合照幫佢地影相,"點"佢地影仲多過自己影,攪到有d好似"uncle上身"tim......

呵呵呵呵呵呵呵呵..........................................................................................

第二日就join王耳耳攪嘅團,不過就有點"出師不利",約咗上午九點等,但結果係主帥九點鍾起身......

經過連日的疲勞,果日老夫整日都"wu吓wu吓",果日狹路相逢,同團大大個～艾利～係老夫身前橫過,仲要對老夫施以"親切的微笑'!!撞鬼囉!!!老夫竟然唔認得!!

真係失禮晒......

所以第日如果係街撞見老夫的話,唔該叫聲老夫,或者拍吓我,等老夫知道吖......

您地估吓下面lee舊嘢又係乜??

第三日,終於輪到老夫嘅"攝影技術顧問團"出場喇!!果日應該講嘅,唔係花展嘅嘢,反而想講吓d題外閒事...

話說當日影完花展,我地大踏步前往"又"睇"周,黃聯合相展",在場中,老夫與我的

"榮譽首席高級攝影技術顧問"正在討論阿黃貴權大醫生的其中一張相之際,老夫髮尾涼了一陣!!!!忽見身後有一黑影!!

原來黃大醫生正在竊聽著我地嘅討論,榮譽首席高級攝影技術顧問忙著抹他一身冷汗同時,咀角和身體帶躬順而謙卑嘅語氣向黃大醫生問好,順道問一問果張相嘅技術問題,誰不知!!給黃大醫生以不遜嘅表情,不善嘅語氣,回應榮譽首席高級攝影技術顧問,云:你都唔識影相嘅,返去重新學多幾廿年先至同我講嘢啦!!

我倆頓時冇晒反應,簡直 O 晒咀!!試問一個曾受高深知識教育,又係資深嘅攝影人仕,別人謙卑的提問,竟得副不遜的回應,擺出一副不可一世的臭架子!!

一個合理嘅提問,得到無禮嘅回應,咁就係叫做"大師傅應有的風範"乎??

只會給我覺得此人只是一條

"一把年紀還會發那些死人闊少脾氣,幾廿歲人一d家教都冇嘅死老嘢"!!

遲來的圓玄

正所謂"寶物尋歸底",往往好嘢都係留番壓軸先至出場嘅!!

lee篇blog都唔會例外!!

所以......老夫"專登"等到其他blog友post咗九世咁耐先至到我,吹咩!!

話說圓玄學院例牌係1月份都會攪番個咩咩菊花展,

又咁啱,阿uncle又忽然想攪番個唔知咩咩菊花攝影食齋團,仲要一連攪兩日咁夠"pok"tim!!

老夫lee d"為善最樂"當然要"不甘後人"啦!!

所以......老夫都係一連去咗兩日......

先送上第一日嘅相.....

第一站:圓玄學院

下列"八德",您又有齊幾多樣呢??

是日行程第二站:西方寺

最後一站:東普陀寺

the next station is......下次話過您知......

又再玩"泥"沙

詢眾要求,老夫只好是是但但,求求其其post 番之前影嘅相畀各界友好止住咳先...

2月中旬的某個星期日,老夫與我的"攝影技術顧問團",又再往白泥出發,

當然嘅天氣簡直好到想死!!

有幾好??睇相您咪知囉!!

嘩嚡!!

睇吓!!幾大舊黑雲??!!

您地話係咪好好天呢!!簡直比上次"有過之而無不及"啦!!

咁多"路人甲"架!!死....................開d啦!!

終於"撥開雲霧見青天"喇......

就係咁......我地就hea咗一個下午喇......