遲來的圓玄

正所謂"寶物尋歸底",往往好嘢都係留番壓軸先至出場嘅!!

lee篇blog都唔會例外!!

所以......老夫"專登"等到其他blog友post咗九世咁耐先至到我,吹咩!!

話說圓玄學院例牌係1月份都會攪番個咩咩菊花展,

又咁啱,阿uncle又忽然想攪番個唔知咩咩菊花攝影食齋團,仲要一連攪兩日咁夠"pok"tim!!

老夫lee d"為善最樂"當然要"不甘後人"啦!!

所以......老夫都係一連去咗兩日......

先送上第一日嘅相.....

第一站:圓玄學院

下列"八德",您又有齊幾多樣呢??

是日行程第二站:西方寺

最後一站:東普陀寺

the next station is......下次話過您知......

又再玩"泥"沙

詢眾要求,老夫只好是是但但,求求其其post 番之前影嘅相畀各界友好止住咳先...

2月中旬的某個星期日,老夫與我的"攝影技術顧問團",又再往白泥出發,

當然嘅天氣簡直好到想死!!

有幾好??睇相您咪知囉!!

嘩嚡!!

睇吓!!幾大舊黑雲??!!

您地話係咪好好天呢!!簡直比上次"有過之而無不及"啦!!

咁多"路人甲"架!!死....................開d啦!!

終於"撥開雲霧見青天"喇......

就係咁......我地就hea咗一個下午喇......

"三人行必有嘢影也"系列第一集之"大年初五濕滯遊"

老人曰:"三人行必有嘢影也"擇其靚而拍之,其肉酸而"蹂躪"之!!!

成個新"蒸"頭都略帶涼意,但出奇的,在大年初五的早上,

當日烈日當空,熱到痴肺......

就係lee一日,老夫偕同大雨同埋annie一齊去到lee個名震中外嘅

"濕滯公園"

,親身睇吓lee個公園有幾"濕滯"......

係"濕滯公園"逛不夠個半小時,我們心中已有"搵老襯"之感,

我們心有不甘之餘大歎"回水",奈何米已成炊,木已成舟!我地都已經睇過全相,終於知道"濕滯公園"有幾"濕滯"!!

我地只好化悲憤為食量,在就近的食肆大吃一餐後轉戰我地"臨時加插的景點

"屏山文物徑"

而"三人行",何者??老夫,大雨同埋annie是也!!!!

又About me

lee排冇乜mood 吹吹水,d相又......難得屋企執得整整齊齊,咁......所以......睇住老夫係"飛屎卜"度玩嘅"about me"啦!!

 

本來老夫都冇想過要post係yahoo blog度,不過見阿"開山老祖"Jessica都post咗出來喇......老夫又唔想個post丟空太耐,咁只好老夫都post埋lee個"about me"出來,"攝一攝"牙罅,就當係畀您地認識吓老夫咁啦!!

唔好話老夫"神龍見首"喇!!!

 

 

 

 

 

規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深.


1.第一份工就唔記得係咩喇 , 但上一份工仲記得出咗糧後買咗部 Leica III f 相機!!!

呵呵呵... 

2. 中學時最怕睇書,但唔知係咪撞咗邪,自從讀咗夜校後,就書不離手...

3. 瘋狂的 , 現家中藏書最少五六百...

4. 很肥, 好耐沒試過少過90kg 

5.小時候 , 都未試過將蠟筆塞入鼻!! 

6. 同Jessica一樣,喜歡影相的原因, 係把身邊的事物記錄下來

7. 其實我06年先至開始玩影相 但好多人以為我玩咗好耐咁......呵呵呵......

8.最遠的地方都係去過廣西(但唔係去旅行...)

9. 不愛吃糖 , 但最愛吃甜嘢!! 

10. 我怕冷又怕熱!!!吹咩!!!

11. 愛四週圍去, 看美麗的女女...哈哈哈哈......  

12.生活很節儉,但嗜好好奢侈!! 

13. 我一枝公冇溝女好自在(但唔係我想的...) 

14. 我從不在意別人的想法, 看法 

15.成日都懶諗嘢!!

16. 我想不勞而獲啊 !!