熱烈慶祝老人院BLOG五週年誌慶第一砲之"砲轟新葡京"!!!

各位親愛嘅院友您地好!!

今日,係一個好特別好高興好開心好悲喜交集好悲從中來好乜交叉嘅一日,

就係敝院開張五週年嘅大大大大大大大日子喇!!!

老夫為咗答謝咁多位院友及其家屬,親戚,朋友,大人,細路,閑人等等對敝BLOG嘅支持同愛戴,愛護愛惜又或者攪攪震又或者切JJ......

所以,老夫將無私地奉獻我最寶貴嘅嘢(唔係JJ)!!!!!!!!!

就係老夫今年最滿意最登峰造極嘅作品!!!

而lee個作品,更加可以解釋到,點解阿"博士"依家係一病不起呢???

您地話,係咪好利害呢......

燈登等櫈!!!

就係lee張..........砲轟新葡京喇

您地睇!!!!佢嘅精妙之處,除咗係老夫影得太過靚之外,亦係在於,果度十九幾枝砲,枝枝都"隊"住佢個頭殼頂!!

試問一個人日日被人狂轟猛炸,唔"仆親"先至奇啦...又邊度會咁易好返吖...

所以話呢......風水佬......唔係呃您十年八年.........咁少架......

南區快攝之徠卡清醮

真係一百歲未死都有新聞聽...

無啦啦被d不速之客扣我帽子話叫我唔好再上網溝女wor,真係痴上腦......仲有佢話,再有下次(都冇上次,何來下次??)嘅話,就恐嚇地話會切我"jj"wor...我真係想睇吓佢會用d咩工具落手啊......

仲有我都想證實一樣嘢...各位網BLOG友,如果老夫有言詞輕佻地溝您地嘅話,請您地唔好避忌!!!一定要留言話畀老夫知!!!同埋大叫唔好之餘,記住打999報警啊!!!

好喇...無謂被d無謂人影響食慾...都係言歸正傳喇!!

今年雖然天文台話冇鬼咗個春天,但原本春天嘅日子就變得天朗氣清,空氣乾爽,實係"又"約埋一三五七九個"知己"一齊出外忍爽嘅大好時機!!

咁所以,老夫係四月嘅某一日,終於"的起心肝",被一三五七九個"知己"約咗出去

忍爽,亦藉機會同久未露面嘅相機之神徠卡大仙出一出巡,免得弄到周身生霉!!!

我地首先到咗今日嘅第一站:演藝學院伯大尼教堂喇!!

一睇就知當日係好鬼死好陽光啦......

離開咗教堂之後,我地就前往與之相距不遠嘅第二站:大學堂喇!!

各位感唔感受到lee度嘅"書卷氣"呢??......

老實講......老夫感受唔到......

噢...真係快樂不知時日過,話咁快就到咗今日嘅壓軸景點:豪宅樓盤"數碼港"日落喇!!!

未完架!!未完架!!仲有下集架!!!記住密切留意敝BLOG喇!!!

野火燒得盡!

南生圍上草,一歲已飄零

野火燒得盡,屏風樓又生

地產侵古道,傅老榕荒城

又送渡水去,萋萋滿別情

聽聞當地橫水渡兩老因為不堪船主加租壓力,所以被迫退休(唔知係咪呢??),

早知嘅話,同佢地影晒張靚靚沙龍啦......

就係嗡,攪到我想番起早兩個月我同我嘅"攝影顧問團"去果度再視察吓"災後情況"!!,係時候去相!!

戲玉來喇!!戲玉來喇!!

焦土一片!!!

d人真係當柴咁燒架!!!

尚值得慶幸嘅係,南生圍日落依舊燦爛!!!