熱烈慶祝老人院BLOG六週年誌慶第一砲之"交"遊樂前傳!!!

唔覺唔覺,咁又一年喇......
係六年前嘅..........琴日!!!
冇錯!!係琴日!!(因為唔記咗...)正式開張!!
將歡樂同麻煩都一齊帶畀大家!!!
係未來嘅日子,我會更努力不懈地攪攪震,務求將LEE個BLOG攪到翻雲復雨為止!!!
為咗等大家與敝BLOG同慶!!!老夫特登預備咗節目來慶一慶佢!!...就係將我收埋咗成年,係舊年去馬交玩嘅相POST出來!!
好嘢泥架!!!唔係好嘢,又點會收埋咁耐呢...

 

 

 

 

臭味相投

嗚嗚嗚......
lamlam大人話老夫偏心,淨係錫一個仔WOR!!...
咁所以,
為咗證明老夫係大公無私嘅!!
就一於..................
將我收埋咗好耐嘅嘢,獻一齊分享畀我嘅粉絲......
即係.....您...一齊分享!!


今次嘅主角,就係佢..........地!!!!

就係圖右嘅德國"母體":MINOX 35EL;
同埋圖左嘅蘇聯復製人"KIEV 35A"!!!
佢地係一對生於異地又唔同父母卻懷著同一DNA有血緣關係嘅兄弟!!
聽落好似有D精神分裂哦呵.......
不過LEE D咁矛盾嘅相機兄弟,多數都同共產老大哥--->蘇聯拉上關係...
而且問題唔係偶爾為之,其復製兄弟之多,簡直夠上戰場打仗啊!!!
好似Leica copy系列嘅"FED"或者"Zorki",已經係名震漿糊!!
而"Leningrad"同埋"Drug" 嘅Leica copy畸胎怪嬰亦係一眾相機收藏家所喜愛!!


而今次LEE對嘅主角,從頭到尾,從內到外,從後到前,乃至光學設計,都係99%一Q樣嘅!!!都係一樣"Tessar type"!!!

雖然話佢地係一對切頭切尾嘅"復製兄弟",但係原來都有D嘢唔同架播!!!除咗蘇聯機手功較差之外,
我試過將MINOX嘅原廠相機套,套上去KIEV 35A上,發覺原來KIEV 35A係比MINOX 嘅機身...大...架播!!!!!!!
另外,好似菲林拉柄,設計都略有不同!!
而且KIEV 35A嘅鏡頭有Multi-coating,相對MINOX較先進,抗耀光能力較好同埋反差較高...