古今多少事，盡付笑談中。

2012年1月4日星期三

噢......楓了!!......

為咗證明敝BLOG唔係專出隔夜菜(相),
亦同時話畀果隻"加大X"知,老夫唔係淨係一年出一篇BLOG賀自己大壽咁慳皮,
所以老夫決定,今次post一D合晒時令嘅靚菜好貨色,供大家欣賞品嚐!!
睇完之後,包大家如癡如醉,如火如荼,如何是好,如願以償,如釋重負,如獲至寶,如魚得水,如履薄冰......
總之如果唔啱胃口嘅話...咁...就...送出下一篇BLOG作為補償囉!!!....

拿拿拿......冇呃您架!!!係咪好新鮮呢......

Astro Piesker Berlin Tele-VOSS 250mm f:5.5
Pentacon 30mm f:3.5
FIJIFILM X-TRA 400

2011年12月29日星期四

係N年前嘅今日,
有一個......
既聰明又可愛,美貌與智慧並重嘅嬰孩誕生係lee個世上,
雖然佢冇大kimchi將軍咁三月能語九月能行;三歲燒槍九歲車死人果種本事,
但係佢老作嘅本事不亞於他人,而且始終都係一個............好人...^^
轉眼間...就幾十個年頭,佢依舊的............靚仔!!:-D
每年今日,都會為自己唱一首生日歌,祝自己不要再快高長大,希望心想事成...
今年都一如以往,為自己準備咗一首生日歌,不過係由我地嘅大醫生,李家仁醫生唱畀我聽!!等我地細心聽聽!!......

係lee段時間,老夫真係忙得得閑病唔得閑死啊!!
例如忙食飯啦忙屙屎啦,忙住玩啦,忙住Hea啦......
總之就係都唔知忙D乜啦...
係LEE段無事忙嘅時間裡面,各位BLOG友都仍然咁愛護老夫,
對老夫極之熱心同關懷,驚老夫太耐冇寫嘢,怕老夫釘鬼咗,
老夫真係非常感動啊!!
所以,老夫襯住lee個咁重要嘅日子,係度宣佈......我又大個仔咗喇!!
:-p:-p:-p:-p:-p:-p:-p:-p:-p:-p:-p
各位,
快D來祝福我啦!!
呵...呵呵呵呵.....

2011年8月2日星期二

等著您回來

自從丫烏卜無啦啦屎忽痕大發淫威,改咗lee個狗屎垃圾狗屁不通狗娘養的...嘅版面之後...
卜友個個怨聲載道,開始係度怨天尤人!!!個個冇晒精神,變得猶如怨婦深閨般愈來愈唔想寫"卜"!!
而一系列嘅連鎖反應,就有如花旗國嘅"蠹蟲屍"指數般插水直落,影響之範圍有如水銀瀉地,一發不可收拾!!!攪到老夫lee個"那星級的家"都冇人探訪!!簡直晚景淒涼啊陰公...