當年今日之"覲見吾王"

話說係2005年的當年今日,對於老夫和一眾pavarotti的歌迷們來說,係一個天大的大日子!!!因為我心愛的歌王來港開演唱會啊!!!

老夫只有在這一刻才感受到所謂的"香港經濟復甦",因為不知為何,最貴的門票$3880最早售罄!!

本來老夫一心想買$380和$580平價門票的,但$580我都未有時間要準備!!兩日內賣光啊!!而$380的要即日售賣,但只得"一行"......老夫怕"行得(麼)"所以只好恨下心腸一擲千金,買$980的吧......

當日的情況,報紙都講過,所以老夫就唔講喇!!

老夫講的,是老夫坐在觀眾席上睇到的"眾生相"和老夫對歌王的親身感覺吧!!

先講講"觀眾"吧,

在香港,睇歌劇也好,睇演唱會也好,穿著比較"大眾化"問題不大,反而"雍容華貴"更成異類;

我剛到了一會,正所謂"櫈都未坐暖"啊!忽然,我的鼻子嗅到陣陣死魚臭鹹魚味,惡臭無比!!我環顧四周,原來有條"老坑"在我的前座"mok"鞋"卒"腳趾,

此時,老夫真係想......

真係想......

真係想......

用我的嘔吐物幫他洗頭......

但......

我又嘔唔出......

更恐怖的是,條死老坑"卒"足成粒鐘......

嘩大佬......石頭都俾您"卒"爛啦!!唔怕"卒"到"標"血咩......

我左手邊果對"老"狗男女,成日"交頭接耳",好似前世係啞咁,想今世講過夠本,

唔該,想傾偈就回去您家張床慢慢傾個夠!!!簡直無聊!!!

另外,整體上來聽演唱會的人,都係近乎死狗一樣,完全不懂攪氣氛,人地歌王舉晒手叫現場觀眾一齊"啦啦啦......",此時全場觀眾竟然全無反應......

好喇,唱到尾果陣時,觀眾叫"安歌",都只不過係好似"例行公事"咁,"是是但但"叫咗幾句就收晒聲......

如果我係歌王,遇到lee班觀眾,就真係非常冇癮喇,寧願早d收工返酒店玩"撲克"仲好......

中場再度休息,轉頭再講歌王,請密切留意本篇blog!!