6月19日的早上,闊別我地差不多成個月的太陽又再次展露佢凶殘的微笑,
lee一日,亦都係由Uncle Justinian發起"遊攝志蓮牛頭大行動"的當日,
我地一行七人:
老夫
今次老夫仲更變態地將家中蘊藏已久的"金絲貓妾侍"蘇聯相機 KIEV 4A(見下圖)連同兩枝鏡 Jupiter8m(2/53mm) & Jupiter12(2.8/35mm)拿出來晒晒太陽,見見家長
相比佢地7個全部都係用Digital的,只有老夫仍然堅持用菲林,老夫顯然有點格格不入......
志蓮.................金玉其外...............
傳說中的金塔
父女反目
康師傅 壯健的項背
大雄寶殿,可以設計到冇一個角度影得靚,個建築師真利害!!!
蜻蜓點...............................唔知乜野......
去完志蓮,肚仔餓餓,走咗去龍蟠苑食個午餐,有阿九姐事先打點,我地可以免去等位的痛苦.
在席間,有很多朋友勸老夫早轉Digital,又言菲林將亡云云;老夫在此謝過各位一番盛情,但意見實不敢苟同,而且老夫覺得人應有所堅持;
老夫的旨趣,在席間已經道明無謂在Blog上重複喇!!
牛頭角....................人去樓空.............
牛頭角的大排檔,內裡有一個惡女人,此臭婆娘以為我地係"報紙佬","記者",怕我地"報串"畀"食環署"知佢地衛生情況之惡劣,對我地大聲呼喝,仲驅趕我地離開!!!
真可惡!!
阿嬸!!您驚俾人告,就好心您做好衛生工作啦!!紙係包唔住火嘅,到時真係食屙人,您咪又係一樣冇工開......做人唔好咁短視!!!!
後記:
老夫對lee次影相感到非常驚訝,
驚訝的是,一筒菲林39張有起碼一半係炒晒蛋,真係"督"口"督"鼻,可以提早泡湯,差到連自己果關都過唔到!!怪只怪自己平時少用rangefinder相機......少影相......或許......以後要多d用......
驚訝的是wonderjessica對"興記茶餐廳"的豬扒包&樽裝可樂的熱愛達至瘋狂地步,不到黃河心不死......
更驚訝的是今次能夠與咁多位同好相識,實在喜出望外!!!
希望下次都有同樣機會就好喇......
沒有留言:
張貼留言