財赤預算攝影集四重奏第一集之城門水塘"損"手記

近來老夫的財政預算案份份赤字,而且每創新高,但偏偏又有一班"唔湊米氣"的blog友天天喊打喊殺,呼啦呼啦,bee lee ba la地催老夫要快d出相,

老夫恐眾怒難犯,怕鬼咗佢地,怕佢地拆鬼咗老夫個blog,咁啱屋企積落有幾筒菲林又未晒,所以老夫一次過"ling"咗4筒菲林去晒,

其中一筒就係"財赤預算攝影集四重奏第一集之城門水塘"損"手紀"喇!!

其餘三集分別係

"財赤預算攝影集四重奏第二集之"追龍" " ,

"財赤預算攝影集四重奏第三集之大埔豉油痕"

"財赤預算攝影集四重奏第四集之屯門眼花花燈夜"

本blog將會一一呈獻俾咁多位"麻Q煩的大帝"欣賞

但lee次晒相,一晒就晒咗我幾舊水.......係財政赤字高企的時候攪lee d嘢,無疑係雪上加霜,飲鴆自殺!!

不過呢!!雖然老夫被佢地催到裙拉褲甩,但話回頭,可以與一眾新知舊友一齊吹吹水,影相,也是一大樂事!!

未睇相之前,等老夫首先解釋一吓點解lee篇blog要改個名叫做"財赤預算攝影集四重奏第一集之城門水塘"損"手紀",

事發係26/8/2008的一個熱屎辣辣的一個上午,老夫又join咗Uncle 的又苦又難遊攝團,為咗果日影花草昆蟲的需要,老夫特別帶咗一件小小玩意"Marco tubes";

佢嘅用途係使到鏡頭可以得到更加近攝的效果,但lee件"近攝利器"真的太過"利",老夫在慌忙更換鏡頭途中被其鋒利的邊緣割傷右手食指!!血濺當場!!!攪到當日不能用老夫靈活的食指拍出絕妙的佳作!!!

Part one:花草樹木篇

Part two:昆蟲篇

您地話下圖lee隻嘢似乜呢??

Part three:金毛狗都識嘆篇

當我地行到身水身汗之際,忽然在我腳邊有一身影閃過,老夫來不及轉身!!回頭一望,已經見到lee隻咁Q可愛的衰狗!!就連佢都冇辦法抵擋如火爐般的天氣,飛身跳進溪間中消消暑,果然識嘆!!

Part four:人肉scanner現身!!wonderjessica篇

水浸jessica!!!您地睇睇佢個樣,睇落係咪好似幾pro咁呢......

下圖說明wonderjessica 新練成必殺技,就係"人肉scanner"喇!!當佢提起相機,萬無目的地360度"描!描!描!"的時候,我地一眾blog友都伏地跪拜,避其鋒芒!!您咪話唔利害!!!

與wonderjessica 互影的一刻,HOi HOi見狀即以手巾遮面!!

HOi HOi:

您就算避到天腳底都好,都冇可能避得開老夫嘅法眼的!!!!

特集:屎馬騮篇

lee隻賤貨就利害喇!!!當我地在影"水浸百千層"的時候,佢"聞見隔離飯香",身先士卒,一馬當先,站在通道口,實行"收路費",但佢簡直不通人性!!收還收,但佢又唔講收幾多,一味we wa鬼叫!!

幾經談判未果而後破裂!!Uncle 二話不說,展露其兇殘本性,先發制人,後發制於人;手執樹枝向這手無寸鐵的小動物施以無情的痛擊!!現場簡直係慘不忍睹,慘絕人寰啊!!!!!!!!!!!!!!!!!!!!

為答謝咁多位一路咁支持老夫&本blog,同場加送丹丹 "Lum"屎女迷人電眼得個人頭玉照乙張!!