最應節的賀年歌......

爆粗一聲除舊褲!!

老夫祝各路英雄:

新一年,新氣象,新衫新褲新鞋襪!!

恭喜發財利是快來!!

一年又到年初三,又係到咗"赤口"lee一個咁值得慶賀嘅大日子,

老夫當然要post番首歌仔賀一賀佢啦!!

今次為我地唱歌賀歲嘅"明星",

就係:鄧寄塵,鄭君綿,鄭碧影喇!!

好喇!!係時候去歌!!

(鄭碧影唱) 眉目笑起又夠酥 生藕起碼劈成疊,
花靚仔 起勢趙 , 答過話 甜夾滑, 唔見辣,
坭醬未抹 話佢好吔喎 !
(鄧寄塵白) 飽死咯

(鄭君綿白) 係呀

(鄧寄塵續白) 我識你個碟咪
(鄧寄塵唱) 你成日企街望靚仔 知你鍾意就食牛雜!

(鄧寄塵白) 係咪呀??
(鄭君綿白) 係!!

 (鄧寄塵唱) mung雞敕敕上額 ,雙眼大 唇雪白 ,
人潑辣 ,你成個賤相 貌似三剎 !!
(鄭君綿白) 你重有樣衰呀 !!
(鄭君綿唱) 嫌面皮打摺 ,用雪花膏貪佢滑, 用隻手捽一撻撻
東一撻 西一撻 遮遮掩靠呃 !
(鄭碧影白) 啋 !!(鄭碧影唱) 撩事鬥非亂咁嗡 ,安我名叫做牛雜
(鄭君綿白) 你唔係咩 ?
(鄭碧影續唱) 啋一啋 ,啋過就衰到極 ,牙會額. 你無發達 ,
唔夠運會遇見鬼責 !
(鄧寄塵白) 責我呀的銀紙? (女白) 你就想啦 !!
(鄭君綿白) 正一醜人多八怪

(鄭碧影白) 哎哋!! 我好醜樣咩??
(鄧寄塵白) 吓!! 都萬中無一咯!!

(鄭君綿白) 唔該你照吓鏡啦!!
(鄭碧影白) 我無鏡 !!

(鄧寄塵白) 無鏡就照吓塊玻璃!!嗱!!...
(鄭君綿白) 睇真未呀??...

(鄭碧影白) 哼 !!

(鄭君綿唱) 眉又太粗亂咁 mung,  mung曬搵過墨嚟畫
你尖嘟嘟 頂上額 睇見就暈半日 ,傻半日, 你唇向上曉 又似扁鴨!!!
(鄭碧影白) 你好靚 !!

(鄭碧影唱) 黃面瘦鬼又帶青 好似紙刮落油臘,
烏卒卒,  漿滿額,  你塊面又唔夠白,  唔夠滑,  嫌佢辣撻 用利刀刮 !
(鄧寄塵白) 你重衰 啦 !!

(鄧寄塵唱) 牙又唔洗刷 又似鑲金不見白
禁到鷓鴣乜都殺 不守法 真抵殺 應該拉去"bak","嘭"!!!
(鄭碧影唱) 曳在個口落到陰司會將你落油烚!!  把口衰, 兼夾賤,
梗折墮!! 隨處額, 你無發達, 成個賤格 話你衰格!!
(鄭碧影白) 懶鬼啋你呀 !!!
(鄧寄塵白) 哦? 走啦? 走啦? 唔夠我地嗌呢!! (鄭君綿白) 係呀!! 嘻嘻!!...

唔知您地有冇試過俾人又或者您用咁"惡毒"嘅說話鬧過人呢??